Os “Venres da EMAO” é un programa, de periodicidade semanal, de actividades relacionadas coa temática das especialidades e finalidades formativas e culturais da escola, abertas ao seu alumnado actual e antigo, e ao público en xeral.
Trátase dunha programación ideada e deseñada pola dirección, xefatura de estudos e profesorado da Escola, organizada e producida por esta, con recursos humanos e materiais propios, na que participan todas as especialidades da EMAO.
Deste xeito, prográmanse actividades de moi diversa tipoloxía: clases maxistrais de persoas externas ou de mestres da especialidade, conferencias, demostracións, presentacións do traballo ou obra de persoas relevantes ou interesantes nun ámbito relacionado con algunha das especialidades e/ou actividades da escola, proxección de películas de interese temático (cinefórum)…
Desenvólvense habitualmente na Hemeroteca-Biblioteca da Escola Municipal de Artes e Oficios da EMAO, os venres lectivos do ano, entre as 19.00h e as 21.00h, coas excepcións motivadas pola dispoñibilidade e posible duplicidade de actos.
Venres da EMAO presenta NeSpoon, unha ollada ao encaixe a través do graffiti
Vídeo-coloquio, sobre as distintas formas de expresión contemporáneas coa técnica artística do encaixe (palillos, agulla, máquina…).NeSpoon é unha artista urbana polaca que leva a linguaxe do encaixe ao espazo público
Venres da EMAO presenta a proxección da película “Midnight in Paris”
Midnight in Paris é unha comedia romántica que narra a historia duns noivos que pasan uns días de turismo en París, antes da súa inminente voda. El é guionista exitoso